主页 > M微生活 >Kali带你去瑞典哥德堡试极速快感 >

Kali带你去瑞典哥德堡试极速快感

所属栏目:M微生活 发布时间:2020-06-07

Kali带你去瑞典哥德堡试极速快感

EA赛车游戏系列《Need For Speed》以往几乎年年都会出一集新作,今次竟然隔咗一年先出,仲嚟个返璞归真就咁叫《Need For Speed》,製作团队Ghost Games似乎想帮只游戏重新定位。Kali上星期就亲身飞咗去瑞典哥登堡直捣Ghost Games总部,试玩呢只将于11月3号推出嘅全新《Need For Speed》作品,仲捕获游戏大脑Creative Director - Craig Sullivan 做咗个详细访问,睇下只Game有乜新搞作先!

9月22号下昼抵达Stockholm再转内陆机到Gothenburg花咗半日时间,瞓咗一晚第二朝晨咁早9:00am好似返工咁,就已经起程到Ghost Games Studio,座建筑物共有四层高,室内设计果然係现代北欧嘅简约风格,完全简约前卫feel,喺度做嘢真係份外醒神! 喺工作人员带领下,参观完佢哋个梦幻工作室后,直上4楼玩乐室,正式开始进入此行真正目的地,《Need For Speed》裏面嘅虚拟开放式世界Ventura Bay(文图拉湾)![adTag]

《Need For Speed》今次用咗最新版本Frostbite 3製作, 模拟凌晨时份嘅Los Angeles作赛道,赛车游戏一向都冇乜剧情可言,但今集超突破以真人演绎五个角色Spike、Manu、Amy、Robyn同Travis,带领玩家跳入故事剧情当中。而游戏模式方面嘅介面设计清晰易用,玩家可以喺游戏嘅世界裏面以手机send讯息,联络关键人物接唔同种类嘅任务,例如联络貌似陈百祥嘅日本人Morohoshi San,就可以安排同警察挑机嘅任务;想玩操控技术,表现ㄧ下精準嘅车控就可以揾Ken Block加入任务;传统竞速就要同Magnus Walker联络;想网上同朋友组织车队竞赛,Risky Devil会帮到你安排赛事;重有搵Naka San就可帮你搅部赛车嘅外观同性能等等。讲到今集改造嘅机件部份,会比以往有更加多细节同複杂,务求畀玩家custom made到一架内外都更合自己心水嘅赛车。

玩咗一个早上发觉佢入面啲车係旧款车,玩落比较真实,冇果种下下用超级跑车同现实根本完全脱节离哂地果种感觉,玩家可以买到现实中常见嘅车款,再改装成自己想要嘅外观同性能,而今集改装同外型方面,加入非常多嘅配件选择,好明显係希望玩家享受自己改装嘅乐趣,而唔係下下用超级跑车玩即食快餐,呢个主意非常掂,大大提升游戏嘅耐玩性!

Kali带你去瑞典哥德堡试极速快感
◆ 够靓Kali带你去瑞典哥德堡试极速快感
◆ 够型Kali带你去瑞典哥德堡试极速快感
◆ 够真Kali带你去瑞典哥德堡试极速快感
◆ 改车改色,今集配件真係超多,唔信你买只玩下睇下係唔係啰!Kali带你去瑞典哥德堡试极速快感
◆ 今集啲车几可乱真,唔信你买只玩下Check真啲啰!Kali带你去瑞典哥德堡试极速快感
◆ 改车呢啲嘢,好多男仔都好,能够将架旧款车改到飞咁快,係好有成功感嘅事,唔信你买只改吓咪感受到啰!Kali带你去瑞典哥德堡试极速快感
◆ 今集飘移操控度好畅顺,唔信你买只玩下咪知啰!

当Kali见成只游戏都喺夜晚时份作为背景,咦咦?乜啲人物咁鬼真嘅,跟住隔离个星加坡朋友同我讲,真人嚟㗎! 好少见游戏将真人同虚拟世界CG结合,而画面又超夹喎! 究竟佢哋点样将两者合ㄧ又可以咁顺咁夹?又点解要玩夜晚?另外点解个名得《Need For Speed》嘅?现今咁多赛车游戏都用超级跑车,点解呢只咁反高潮先?问题天天都多充满好奇同疑问嘅Kali于是放低手制,由4楼直奔向最低层质问佢哋个高层……咪儍啦~同高层做访问,係要预约架,其实一早约定同Craig Sullivan - Creative Director喺1楼不见不散,Craig真係好有耐心,亲切咁逐一解答Kali嘅题问:

Kali带你去瑞典哥德堡试极速快感

◆ 呢位就係creative director Craig Sullivan嘞。

A for Apple

B for Boy

C for Craig 

K for Kali 

K:今集《Need For Speed》(下称NFS)重新启动製作,相比过往续作以NFS Most Wanted或Underground等品牌名称,今次点解作出呢个决定回归基本?

C:NFS前后已经推出20年,我有幸有份参予製作,而今集係我参予嘅第四集,而我自己亦集集有玩哂,我哋了解NFS玩家係好清楚自己想要嘅嘢,多年来都希望着重改车、黑夜飙车等,而我哋亦想要有—个较强剧情嘅游戏故事,以往嘅NFS都欠缺呢类元素,所以想帮NFS搅下新意意,同重新定位! 喺一年重整裏面,尝试由玩家角度睇,当买一只NFS时有咩期待? 佢哋唔希望每年都变,买呢只叫NFS Undercover,但之后另—只又叫Most Wanted或ProStreet,每次都唔同名无所适从,所以我哋重新定义,所以决定今集只叫《Need For Speed》!

K:你哋话游戏裏面嘅虚拟环境属「夜间开放式世界」,可以介绍ㄧ下嘛?

C:首先我哋希望喺一个大而开放嘅现代城市裏面飙车,于是灵机一触,创造出呢个基本上係虚拟洛杉矶嘅环境,如果你有喺LA揸过车,你会发现日间交通好繁忙,根本唔可能喺呢个钟数飙车,但係夜间就会少好多车,我哋觉得呢个钟数真係太正。真实世界裏面,好多人好似Magnus Walker咁係LA生活,会喺凌晨时份外出飙车,呢个时候揸车真係好有实在感,而我哋叫我哋创做嘅呢个开放式世界做文图拉湾。

K:点样将Frostbite 3游戏引擎发挥喺《Need For Speed》当中?

C:之前提及过我哋希望加强游戏故事性,而NFS嘅忠实玩家们对于呢个方向亦有相当大嘅迴响,我哋揾到重点,将游戏背景设喺夜间进行,汽车睇起嚟会更加迫真,之前做过一啲製作上嘅测试,我哋展示真实嘅影片与此同时以「寒霜3」引擎製作嘅游戏影片作比较,结果,游戏跟真实影片非常接近,于是我哋将真实演员加入游戏当中,将虚拟加真人结合,完全令人置身其中,你会感觉自己花时间所改装嘅车睇起上嚟真係好似喺现实属于你嘅—样,游戏因此变得更有新意。

K:要将真实演员同虚拟世界混合成为具电影感嘅游戏,背后嘅过程係点呢? 

C:我哋同一间喺英国嘅製作公司PULSE合作,Ghost Games嘅编剧、 高级艺术总监同好多同事都同PULSE紧密地投入呢个项目,最后我哋决定玩家以第一身视点投入游戏故事,你唔係—个演员,你演绎返自己,其他演员将围绕住你作为中心点,以60分钟嘅A级影片细诉NFS嘅故事,NFS嘅忠实玩家一定会锺意!

K:整体上今次NFS再启动焦点係喺玩家嘅车上,追求正宗兼更深层次嘅玩车文化,呢啲嘢点体现喺游戏裏面呢?係咪着重喺车同功能方面?

C:同之前好唔一样,我哋唔再有咁多免费嘅车轰炸玩家,最开头只得Fox body Mustang,玩5至10分钟后,我哋就比免费改装车比你选择,但所有汽车都可供发售,所以你亦可以出去玩赚钱模式,钱储够后买$129,000嘅法拉利458,又或者买1974年嘅富豪呢架游戏裏面只卖$9,000嘅旧车! 但就好似喺现实生活中,其实唔使买最昂贵又不切实际嘅跑车先快,改装一架旧车,或者买架好少少嘅平车,一样可以将佢改造得更快速!呢个先係实实在在真正嘅玩车文化!呢样嘢亦係Ghost Games想带入NFS嘅元素。所以喺游戏裏面你最终唔需要一个大嘅车房去放好多车,只要个细车房裏面5架车都係你亲手挑选改装,游戏以5个唔同方式去玩,最多有5个不同剧情,呢个方向係最个人化嘅,亦表示玩家将要投资较长时间喺架车上面,务求玩家喺游戏裏面会拥有一架真正属于自己,非常独一无二有意思嘅车,我哋相信呢个方向係大家都会锺意嘅嘢!

K:.你觉得将来嘅VR赛车或真实感赛车游戏会演变成点?

C:当你见到我哋嘅NFS或其他竞争对手嘅游戏,你就知道现今嘅赛车游戏已经做到好厉害,不论金属或建筑等,新世代游戏机都有能力将佢哋展现得更加迫真。驾驶游戏唔驶造好多人物喺游戏裏面,因为要製作迫真嘅人物事实上係最困难嘅,所以我相信赛车类游戏将会係第一种成为像真度最高嘅游戏。将来我哋唔会只製作赛车类游戏,我哋会製作驾驶游戏,你可以纯粹享受四处驾驶嘅乐趣,驾驶游戏将会变得更广泛,更综合性,驾驶游戏将会越来越多样化,所以我哋渐渐远离一味只得Hardcore嘅赛车,除咗竞赛外,玩家亦可以纯粹四处驾驶享受乐趣,好似今集NFS作例子,会有更正更完整嘅故事剧情喺游戏中出现,有好多超级正斗嘅元素加入游戏中,我相信呢啲先係真正实在忠于驾驶玩车嘅文化,係驾驶乐趣同玩味两者兼备嘅游戏!

Kali带你去瑞典哥德堡试极速快感
◆ 嗰日我去到Ghost Games,见倒啲Staff个个都好快乐咁喺度做嘢,你睇下呢幅相有边个唔识笑嘅,你揾倒?!冇笑果啲,今年冇做啦,张相上年拍㗎!Kali带你去瑞典哥德堡试极速快感
◆ 嗰日由唔同国家嚟试《Need For Speed》嘅Gamer同Media就係坐喺呢度听Marcus Nilsson 同Craig Sullivan 做Briefing嘞,呢度真係好型喎!Kali带你去瑞典哥德堡试极速快感
◆ Kali当日正喺最高层4楼玩Need For Speed, 而左边全层都係员工用餐嘅地方,妈呀,点解人哋个饭堂可以咁靓咁大嘅? 我开始唔明咩叫知足常乐……

Kali带你去瑞典哥德堡试极速快感

◆ 老友,你以为我係NPC咩?打你一拳睇下你分唔分倒我真定假!?

Kali带你去瑞典哥德堡试极速快感

◆ 唔好谂住揸架最贵嘅跑车我就会欣赏你,用架旧款车跑赢人先嚟揾我!

Kali带你去瑞典哥德堡试极速快感

◆ 听讲夜晚飙车啲风特别大,所以我扎起晒佢哋,就唔怕吹乱晒!

Kali带你去瑞典哥德堡试极速快感

◆ 估唔到叻San演出完「跪•回家」之后,又有机会参与《Need For Speed》嘅演出,除咗跑马仔佢叻,讲Fifa佢叻,原来玩速度佢都好叻叻,好似係……

Kali带你去瑞典哥德堡试极速快感

◆ 其实第一条问题係,Ghost Games饭堂咁大有冇空缺,等唔等人用?我冲Kaffe唔错喎!佢话佢哋呢度兴饮阿华田喎……

的确,面对云云竞争对手,游戏嘅创意元素非常重要,今次重新定位令《Need For Speed》风格更见独特更加有个性,感觉的确係焕然一新! 另外 其实Kali 8月份已经预备嘅北欧之旅当然唔係只去试《Need For Speed》啦! 下ㄧ站斯德歌尔摩试玩大家超期待嘅重量级作品《Star wars Battlefront》! 留意下集!

Kali带你去瑞典哥德堡试极速快感



上一篇: 下一篇:

精彩文章